[align=center][align=center]السلام والرحمه وكل عام وانتم بخير ( صلو على النبي)[/align][/align]


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهجوس الشعر بالقاف استعيري= من ضميري ما يجدد ذكرياته
وياضميري لاتشيل هموم غيري= مانت لاموسى ولا شايل عصاته
اسمع الموضوع وافهم ياضميري= الجمل ما فكته هدرة لهاته
ولو غطاء بير الزمان يسد بيري= لا تذكرني بيعقوب أوصاته
والضعيف يقول تحديد المصيري = لآفقد وحده من اصغر امنياته
والرجال تقول للآيام سيري= ويا زمنا كل ماخبيت هاته
لو غسلنا البخل في صابون فيري= ماحدٍ يحزن على دفعة زكاته
والشواويه بوضعٍ مستطيري= تشتم الراعي وتقتل نسل شاته
وخبزة الخباز تدهن جبن كيري= وتشبع شدوقه ويبقى في عباته
ومن عرف معنى القصيده يستخيري= ويكتم اوضاعه ويبطي في صلاته
وكل ماغنيت قولو كثر خيري= والسلام ورحمة الله وبركاته[/poem]