[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذلول وخرج وخطام ومتاهات وظروف(ن) غير= هذا حال العزوم اللي مسيره ماقصر شبحه
حموله لوزنت قنطار عنده كنها قطمير= حقيره في نظر عينه وبيبان الأمل صفحه
نديمه صبر وعزومه مطايا ماطواها السير= مناضل مايهمه ذم والا يحتري مدحه
عرف سر الحياه اليازرعت البر ماحصد شعير= قوانين وضوابط والحديث يطول في شرحه
مثل هذا يموت كليب ويسل السيوف الزير = ويعمر حزن في قلب الجليله من بعد فرحه
هذا حال البشر ماقدره رب العباد يصير = اجل ياصاحبي لاعاد تمزح مزحت(ن) رزحه
تراها لورامت بالضيار يقال عنها ضير= ولوتيجان كسرى لبسوكيها خرز سبحه
رساله واخذ منها مايهمك والسنين بخير = على ماقيل مايخف الإناء يبين من نضحه
احسبك ماتتلك موجة التيار والتغيير = واثرك اللي حصانه يضحك العاقل على جمحه
ترا سدي على قول المثل ياصاحبي في بير= اعرف ان الجريح الليا تشافا يندمل جرحه
بسيطه والحمول يشيلها عند اللزوم بعير= لكن ياصاحبي لاعاد تمزح مزحت(ن) رزحه
[/poem]