الدبلوماسيـه هـنـا مطلـوبـه
يعني عشـان اشيلكـم شيلونـي
من حيث ما ابغاكم لزوم ألقاكـم
ومن حيث ما تبغونّـي تلقونـي
والناس ما يخـدم بخيـلٍ فيهـم
ولولا صحونٍ ما تفيض صحوني
واللعبـه اللـي فالخفـا ملعوبـه
ما هي على هامان يا فرعونـي
وأنا لـك الله مـا يعـلّ فـؤادي
ممـا تشوفـه فالحيـاه عيونـي
ياكود راعي لكـزسٍ مشهـوره
يقدر يطوف الفورد والصالونـي
تلقاه مع خط الريـاض مهـدّي
وراعي الونيت مصفّي الطبلوني
ماهوب من شـيٍ يعوقـه لكـن
مزاجً بعشريـن شكـل ولونـي
فـلا يلـوم المذنـب الا نفسـه
والدين لا يكثر علـى المديونـي
ياناصر الشعر ونصير أعوانـه
أُدخل على الله لا تجن جنونـي




الله الله
الله الله


اثر فالعلوم علوم يالمسرّي
شاعر ومبدع ومتمكن والشهاده مجروحه
وغيابك عن المرقاب كلنا رافضينه ولا نبيه
عزالله ان هنا شعر وهنا حرفنه وابداع وتمكن وترميز عالي المستوى
مرحبا في رجعتك للمرقاب علّها دايمه ولاتحرمنا الطلّه