[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالإم بي سي الله يرجك ويش ذالموت الحمر = جبتيلنا لميس يخرب بيتك وبيت امها
سبعة شهورٍ وانتي تعرضينها صبح وعصر = حتى تقطعنا سببها وادخلتنا كمها
هي طخما وقلوبنا خضرا ومبسمها جمر = والملوي اللي حولها اتخمخمه ويخمها
شيابنا راحو وطي وصغارنا ماتو قهر = اللبس موت وملعون الخير مغير يضمها
سوت بنا كل النكر سوت بنا كل العبر = ولا فيه فالشعب السعودي لو شخص يذمها
فازت بشعبيه غفيره شالهلال وشالنصر = ليا فرحت نفرح ونزعل لا تزايد همها
جبتيها بسنين الضياع وضيعت نص البشر = وزانت سياحة تركيا من بعد ذقنا سمها
ليا عرضتيها ما يبقى فالشوارع لو نفر = كل العباد مبحلقه بعيونها في فمها
يالله عسى يحيى لن زعلها رقبته للكسر = موتٍ حمر والزين لحتل القلوب يطمها
وشهي بولند واويش عجرم عجرمت جوف القدر = ووش زينب العسكر لوني ماستطيع اذمها
ياحليلها يازقينها يادمرنا منها دمر = الظاهر إنا صيفنا القادم نصيف يمها
وليا تواجهنا خذينا جنبها بعض الصور = في منظرٍ مدهش وهي تزمنا ونزمها
يازين منتوق المعنق والتغنج والخصر = ابنصح ابوها لا يعطيها الا لبن عمها
الهرج توبرني بعد عمري وتامرني امر = والاكل ماهي كل عيشه تشتهي وترمها
ما ذاقت المرقوق واعمسها سنا نار السمر = ولا قالو الملطيه من البل داخل دمها[/poem]