|
الــــرمـــوش المـــظاليل !!
قصيدة عمرها 6 سنوات
أرجوا أن تنال أستحسانكم
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا تذبحينـي بالرمـوش المظالـيـل=يـمّ العيون الناعسـه والمظـلّـه
يبو جديل(ن) لــ/ انثنى كنـه الليـل=يشبـه ذيـول مهـاوزات الأظـلّـه
ياوردتن مالـت علـى ظفّـة النيـل=يملّهـا ريــح النسـيـم وتمـلّـه
بنـت(ن) تشابـه للنجـوم القناديـل=ماهيب صورة فـي غـلاف المجلّـه
ليتـك تعذرينـي بقطـع المراسيـل=خل العتب في ماضي الوقـت خلّـه
واليوم ابا احكيلك جميـع التفاصيـل=وأشرحلـك الموضـوع دقـه وجلّـه
ابوي وصاني عـن الهـس والميـل=جـاب الكـلام وثبّتـه فـي محلّـه
ماتدمح الأعذار عـرض الرياجيـل=لأن الشّرف أكبر مـن العـذر كلّـه
ويش العذر في بنت ذباحـة الحيـل=قـوم(ن) تعقـد الحبـل وّلا تحـلّـه
وويش العذر في بنت شرابـة الهيـل=يضمابهـا ريقـن وريـقـن تبـلّـه
وانتي نسل من في اللقى يتعب الخيل=يسطي على الجمـع الغفيـر ويهلّـه
وهرج القفى يمشي مع القال والقيـل=يمشيبهـا مـن حطنـا فـي سجلّـه
ألـي علومـه كلبـوهـا تهـاويـل=مـن شوفنـا جالـه ثمانيـن علّـه
وما أنساك لو تنسى العرب قصه الفيل=وطويـق يمشـي ويتغيّـر محـلّـه
والشام ينزل من ورى هضبة هذيـل=محدن يجي يمـه ولا أحـدن يدلّـه
وشمّـر تعيـف دلالهـا والمعاميـل=والبـن الأشقـر تتركـه مـا تزلّـه
وعتيبـة الهيـلا تعيـف الفناجـيـل=ويظلمبهم من حطهـم محزمـن لّـه
وآلاد وايـل يتركـون المصاقـيـل=والسيـف دون وجيهها ما تسـلّـه
وقحطان مال بيوتها فـي المداهيـل=وضيوفهـا تلقـى العنـا والمـذلّـه
ومطير والصمـان تشناه وتحيـل=وتنّكـر فعـول أجدودهـا بـالأدلّـه
ولو تكّره العجمان بدع التماثيل=ولو يتركون اللي نخاهم بغلّة
وآلاد زايد يكرهون المخاييل=ويهملون أم الرقاب الأهلّه
ولو حرب ماتزهد بكثر التهاليل= ولو عندهم للدين تسعين ملّة
ولو لقحوا بنت العبيـّه مـن شعيـل=والذيـب يبـرك للشـداد ويشـلّـه
ما أنساك لو أقطع حبال المواصيـل=يبو جديـل(ن) جعلنـي فـدوة لّـه [/poem]
|