السلام عليكم ورحمة الله وبركاته

شرفني الاخ العزيز الشاعر/عبدالله المهداني بقصيده على هذا الرابط


http://www.montada.mergab.com/showthread.php?t=41300

وهذا ردي عليها


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


البارحه نومي كوابيس واشباح=من ماحصل عيني كساها رمدها
جلست اهوجس وارقب الليل ينزاح=اعد واحسب في النجوم وعددها
اسباب مابي هم غالي ونصاح=هيض جروح هامده في جسدها
قصيدته كنها من انتاج سداح=ابيوتها من سمعها قال عدها
يامرحباا واعداد برقٍ ليا لاح =في نوةٍ هلة مخايل بردها
عشرين يوم والشعابين مياح=سحابته ترزم وسبح رعدها
يابو عوض للعلم مسرى ومسراح= والنفس تعبت واستمدت جهدها
اسمع مزارق طيب وامزارق ارماح=واهل البلد ماعاد تبغى بلدها
والحيه اللي سمها ذاح ذباح= ماسلم منها حي حتى ولدها
ياكم وكم بركان باسبابها فاح=وكم فتنةٍ شبت ولا احدن خمدها
وكم روس قوم كانوا بخير وصحاح=ولفت عليهم من طوايا ضمدها
حتى حصل هفوات واصياح وانياح=في غبةٍ مايسلم اللي وردها
وكم ناس راحت بين لايح ولياح=راحت ولاحدٍ عن خفاها نشدها
واهل الوفاء تسعى على كسب الاصلاح=تحرص على كسب الجزيله بيدها
دمّاحت الزلات لصاح من صاح=تلقى المحبه والوفى في سعدها
ماهي بتسمع هرج مفتن وفضاح=ماحدن على طيب النوايا نقدها
ناس تخاف الموت قباض الارواح=ماهمها الدنيا ولا من عبدها
ذولا هم اللي طيبهم فخر وامداح=اللي على طيب الفعول انّحسدها
وترى كلام الناس لاجاء ولاراح=وكم هفوةٍ من واحد ماقصدها
وانا معك في البحر غاطس وسباح=وان كان تقدر يابيض الوجه قدها
مضواح بن شتوي[/poem]

سبحان الله وبحمد
سبحان الله العظيم