مبارك عليكم ما تبقى من الشهر الكريم ...

ابيات بسيطة اقبلوها بقلوبكم
.
.
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
آخـر علومي الذربات يامنصور= سجّل إحساسها المدفون و إقراها
ياعضيدي لا ضاع الشور عقب الشور= من طناختك تنهيها و تبداها
كل شئ يتغير عن المنظور = غير انا وانت واحلامٍ بنيناها
كلنا من وراء الهقوه طوال شبور=و الوصايا من الهامه حفظناها
لا يهمك خرير الماء وصوت الثور=احسنه.. و اطلق الشرهه لمنفاها
مرتين يتردى على المقدور =وان جت الثالثه ماني بوياها
مير تكرم لحى ربعي عن المثبور= واحدٍ لا ضوى فيها ما سرّاها
سيرة الطيب المطنوخ و المخبور=تحتميها هل الوقفه و ترفاها
والرجال اهل الجزله وساع صدور =(وسادت القوم تعفو عن دناياها)
يا وجودي لا سجّ الخاطر المكسور=ا يتهرب من الضيقه ويلقاها
يوم سجيت عن جرحي ثمان اشهور= صحته مهرةٍ ضمرٍ حناياها
نافرٍ.. جسمها المنحوت من بلور =صبها الله على كيفي و سواها
شعرها النار و البارود و الشرشور =أشقرٍ طبخة الدله على ماها
ريحة العشب وسط الخايع الممطور=يوم لفت ضفايرها بيمناها
ينطحك من سرايرها رفيف النور=طلّة الشمس من طلّة محياها
جابها الحظ في نيويورك ...و المنحور..=..قلبي اللي فقدته من فداياها
يوم مرّت بي الخطوه وانا مجبور=حارت اقدامي وعيّت تعداها
قلت طرقي ومتغرّب معاه شعور=بس حرّيته بالشرق خلاها
و أشرت لي على تمثالها المشهور= وانا عيني على يدها وحناها
شدّت السرج و العنّه تبي منعور=حيّ والله مساهجها و لاماها
انشد البحر و التمثال و الناطور=من خذاها على قلبه و ضوّاها؟
يوم هلّت على وجه القصيد النور =شالها (الشاعر العبسي) وغناها[/poem]


وسلامتكم

تنويه : منصور .. اخي الكبير وطالب الماجستير في الهندسه بشيكاغو بالولايات المتحده ..لكم وله التحيه و الحب !

لا اله الا الله محمد رسول الله

أستغفر الله و اتوب اليه
.
.