السلام عليكم ورحمة الله وبركاته


تعبيـر طارئ .



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ياقلم خط قولٍ مثل نفح العبير=زيّن الخطّ قبل أضرب بك العائره
يالله أطلبك عونك يالسميع البصير=والقناعه بكسب أرزاقنا السائره
لا تكبّر بنفسي شئ عندك صغير=ولا تغلّي بقلبي سلعةٍ بائره
عالمٍ يوم أميّز مابقا ألاّ يطير=في جناح السفر كنّه على طائره
جابوا المستحيل اللي ما أظنه يصير=وصرت في دائره والجيل في دائره
صرت في موقعٍ للقوم دائم خطير=كل ما أعقل ذلولي جوبها ثائره
وأتعزوا وأجاهدهم جهادٍ كبير=قوم خلّوا شرايين الجسـد فائره
أرفع الصوت كن الصوت في قعر بير=عالم اليوم مدري كيف هي صائره
يوم أميّز علومٍ جعل في الأمر خير=كل ماقلت راحت عوّدت حائره
قالوا اللي تبيها روّحت من عصير=وأتحمّس وأطاردها وهي نائره
قلت أبا أصبر عليها مثل صبر البعير=وأتحمّل عناها لوّ اهي جائره[/poem]