|
لو الشعر مخلوق في هيئة إنسان ..!!؟؟
[align=center] [align=center](( بسم الله الرحمن الرحيم ))
.
.
.
.
بعد طول غياب إشتقت للمرقاب وأهلـه
فوددت المشاركه بهـذه القصيده
أتمنى ان تجد هذه القصيده الطريق إلى قلوبكم ..
.
.
.
.
[/align] (( الإســــــــــــــــــــاءه )) [/align]
[poem=font="Arial,6,black,bold,italic" bkcolor="transparent" bkimage="backgrounds/27.gif" border="double,10,orange" type=2 line=0 align=center use=ex num="0,black"]
من طبعي أرد الإساءه بالإحسان = وأساير ظروف الزمان اللعينه
وأطوف الغلطه من فلان 00 وفلان = يعني من أجل عين 00 تكرم مدينه
الكامل الله 00 والخطا طبع الانسان = والدرب يفرق عن يساره يمينه
والصاحب اللي له معزه وله شان =إن جاني بشينه 00 تذكرت زينه
أتحمل أخطاءه معي قدر الإمكان = من جانبي تبقى العلاقه متينه
واللي يغلطني 00 وانا ماني غلطان = أصابعي أحطها وسط عينه
مادامني مسلم 00 وفي قلبي إيمان = عمر البحر ماشال هم السفينه
بعض البشر 00 تحتاج له سر وإعلان = لاقلت له ( تكفا ) نهض حاجبينه
وبعض البشر 00 ودك تناديه ذيبان = يجي على طاريه لاقلت وينه
وبعض البشر 00إسمه من الله كحيلان = لاطول الغيبات 00 جاب الثمينه
إذا رفيقك مثل 00 ( عبدالله وبران ) = إحذر يجون الناس بينك وبينه
ترى الرفيق أحيان وأحيان وأحيان = أقرب لقلب الشخص من والدينه
مرت علي أنواع 00 وأشكال والوان = بين العقول الناقصه 00 والرزينه
عندي قناعه 00إن الإنسان شيطان = إذا يهينك 00لازم إنك تهينه
يعني إذا حاجتك بيدين عدوان = يكفيك شر المهزله والغبينه
من كثر ماجاني من الناس خذلان = تحرجني حتى كلمة الله يعينه
صحيح لي ربع 00 وجماعه 00وخلان = وأضيق 00 لكن حاجة الناس شينه
الشخص دام إنه بكل شي خسران = تأكد إنه من عمايل يدينه
من مرحلة حب 00 ومشاعر 00 وحرمان = إن ما لعنت الحب 00 تلعن سنينه
أكتب شعر 00وأعزف من أشواقي ألحان = وأسلي قلوب الغرام الحزينه
من تجربة ( متعب ) 00 وغربة ( سليمان ) = أوجدت نفسي في هدوء وسكينه
الشعر له ناسه 00على مر الأزمان = مثل الأمانه باليدين الأمينه
والشاعر الصادق ترى وين ماكان = يبقى المفضل في نظر معجبينه
لو الشعر مخلوق في هيئة إنسان = أقول له تسلم 00 وأقبل جبينه[/poem]
[align=center]وسلامتـــــــــــــــــــــــكم[/align]
|