الوصل مثل الغمام اللي حموله حمـول
اليـا تزبّـر وكبّـر وانهمـر ماطـره
والبعد مايودع العاشق ياكـود مغلـول
يفّـت كبـده ويوكيهـا علـى صابـره
كذا كذا .. لين اجيب العيد فأم الحجـول
اما انسطح عقلها ولا طلعـت شاعـره
لاشـك ماعادلـي يافهيـد والله ميـول
قنعت وابليس لـي مـده وانـا داحـره
ويوم انعم الله عليّ واخذت بنت الاصول
لو اكتب الشعـر فيهـا مانيـب ذاكـره
وختامها أقرب فديتك واستمع ويش اقول
الكلمه اللي تجيب العلـم مـن قاصـره
الحب يافهيد حـب الله وحـب الرسـول
يسعد بها القلـب فـي دنيـاه والاخـره
صلى الله وسلم على رسول الله
وماشاء الله تبارك الوهاب
يا فراج .. والله انك شاعر نادر ولك طرق ينعش الروح
اعجاب مرمس ومتجدد تلقائيا مع كل نص اقرأه لك ،
سلام الله عليك وصح لسانك عدد شعراء الغزل ،
|