متواضعه كل مااسعى له هو ان تلقى قبول لديكم

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يموت الهرج في لحظة لقانا=وتمطر يابعد عمري سمانا
ويحيا الصمت وتسيل المشاعر=ونروى بس مايقطع ضمانا
مشاعرنا تسولف مع بعضها=لو انه ماطلع منا حكانا
نعيش الحب في كل المواقف=زعلنا مع عتبنا مع رضانا
نغيب احيان واحيان نتواصل=وغيبتنا تجدد في وفانا
ويشغلنا الزمن منا ومنا=ونفهق شغلنا / يرجع ورانا
وكلٍ جاي خفاقه يردد:-=دعانا الشوق ياخلي دعانا
ونسهر مع بعضنا ونتغنى:-=هوانا يا هوانا ياهوانا
ولو قلنا ترى للعلم باقي=ولا يدري عن الباقي سوانا
نشوفه فالعيون اللي سهرها=تعبها ثم حواها واحتوانا
ولو طول غيابك ويش اسوي؟ !=وشوقي لك تمادا ما توانا
جبرته لين خاوى مع همومي=وهو وهمومي اصلاً ماتدانا!
اجي مع قلبٍ همومه تصافق !!=واقول : شلون ترضاها علانا ؟؟[/poem]

وســلامتكم

ASK..ME