السلام عليكم
كيبورديّه لااتمنى لها اكثر من المرور ,



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عشت في دنياً غريبه , وانا فيها غريب=لو آواجه وجهْ عِرف , أعرفه وأستنكره .!
قلّ مايصفى صحيبٍ ويصفى لك حبيب=وكُثر ماتخسَر عميلٍ مَعَكْ مستثمره
الصدور تْضيق في ضيفة الصدْر الرحيب=والصداقه ماهي بْمثل صدق المنظره
لإنْك تفجع فالرفيق البعيد وفالقريب=كم رفيقٍ تحسن إليه , ويجيك خْبره .؟!
والصحيب اللي بذرته , تحسبنّه صحيب=فالمواقف تحْصده غير مافيه ثْمره
عندك انّه سابقك .! بسّ مافالطيب طيب=إيتردّا بظْهرك وإتطيّب بظهره
وكان زليت وتعذّرت .؟ ماتلقى مجيب=مايطبّق قولة ( العفو عند المقدره ) .!
حيّ من يطلق حجاجه لوانّه مستصيب=لوتردّابه صحيبه , بلاعذْر إعذره
كُلّ ماطيّبت ظنّك , بظنّك مايخيب=وكُل مالشرّ إستطال وتطاولْه .؟ إقصره
زبدة الهرج , وخلاصة كلامي , قطع صيب :=من تردّا في صحيبه , ومن يتبع مره .![/poem]