[align=center]أسعد الله أوقاتكم

بكل خير

إليكم

عسى أن تنال إستحسانكم


[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لاضاق جاشي وطاف صبري حدوده = والنفس جتها همومها والحواشيـر
وقامت على بالي هجوس(ن) تروده = ورد الضوامي بكنة القيض للبيـر
شغلت وفللـت السفـاري وقـوده = وكملت مايحتاج لـه دون تقصيـر
فل أبشن أبيض وافياتـن بنـوده = مـن وارده ماعذبتـه المشاويـر
ماصـاح دلال المعـارض لـزوده = ولاداج بالورشات بالصبح وعصير
ولا جاني بديـن وكفالـة شهـوده = مكيشه من مال نسـل المشاهيـر
من كف ابو تركي قنيتـه وجـوده =عبدالله الماجد زبـون المخاسيـر
وقفات طيبه مـن قديـم معهـوده= إبن الدويش الفيصلي قايد مطيـر
أمارته من ساس أبـوه وجـدوده = شوخن لها مجد ومكانـه وتقديـر
ماهمني غيض الكبـود الحسـوده = أن قلتهـا وأعلنتهـا للجماهـيـر
أسج به والضيـق أطلـق قيـوده = لأرضن خلا ونسى التعب والتفاكير
يقطع وعر جرد السهـال ونفـوده = لاوقفت بعض المواتر عن السيـر
ماعاقه الضلـع الطويـل بسنـوده = يطلـع ويرقابـي ولا لـه معاذيـر
غنيت قاف(ن) ماعسرنـي بكـوده = وذي عادتي أصخر القاف تصخير [/poem]
وسلامتكم[/align]