التجـارب فوايـد والليالـي جهـاد
والمعرفـه معـزّه والجهالـه دبـور
صاحي الفكر من درس الزمان استفاد
المعرفه وراعي العرف دايم صبـور
ينتظر في رجا الخـلاق رب العبـاد
والكـلام المثبـت ميزتـه مايـبـور
أجتهـد للعلـوم الطيبـات اجتـهـاد
لين احصّل على جسر المعاني عبور
راية العز في ظل السيـوف الحـداد
رفرفت والمعزه زادت النـور نـور
فيه زلّة لسـان وفيـه كبـوة جـواد
وزبدة السالفة ياللي جهلـت الامـور
لا ترهى ولو اصبعك فـوق الزنـاد
الرصاص المخزن معضمه مايثـور
شفت نص الحديث وشفت مايستفـاد
لكن الصمت حكمه والليالـي تـدور
العلـوم القديمـه زاحمتهـا الجـداد
مابغينا نسولـف والكـلام محضـور
نعرف النار مار النار تـرّث رمـاد
رحمة الله على اللي يسكنون القبـور
اشتروا لك مطيه واشتروا لك شـداد
مار طال الطريق وصار منك القصور
بكل امانه كمه هالقصيده
ص لساانك اخوي صالح
تقديري
|