للتواصل مع قلوبكم

.,
,.

[poem=font="Simplified Arabic,5,black,bold,italic" bkcolor="transparent" bkimage="" border="inset,4,darkred" type=1 line=0 align=center use=ex num="0,black"]
الليل حل ورحلتي كلها شوك=والماضي اللي كل ماعاد جيتك
يادرب لو عندي خبر ليه خلوك=احلف بربي ماعنيت ومشيتك
ياقلب لو اللي بحضنك تناسوك=لا تلتفت للي رماني رجيتك
ناسن تقدرهم وقامو وهانوك =وش ترتجي من قربهم لك فديتك
بعض الوجيه اللي تحبك تحاشوك=موت الوجيه اليا هنيت ابمبيتك
وقت الرخا ياكثر ناسن تمنّوك=ولا الشدايد زين لامن رضيتك
يوم ان خوّة صاحبك خوة البوك=لا تشره اليا جاك فقر ورميتك
ياناشدن بالموت ناسن تحدّوك=الموت لوّ اعداك مرباة بيتك
ياساريٍ في ليل تاليه مشكوك=لو ما بلاك الدرب شفني بليتك
قيفان شورك بابها دوم مصكوك=غنيت من جور المفارق بكيتك
ياصقر ابوي اللي مبرقع ومتروك=من غير شر العود غاب ونصيتك
جيتك وهمي داخل القلب محيوك=ليتك تخفف من همومي وليتك
تجبر مصاب اللي على الناس بدوك=قلبن وروحن شدهم برق صيتك
اشيوخ من ربعي تحامو ورزوك=جيت اطلبك شورك ونا ما عصيتك
ليه الغبن يرمي على فكري اشكوك=ليه الوفا ضامي بعد ماسقيتك
ليه الزمن حاميه تافه وصعلوك=ليه المعزّه تختفي لا شكيتك
ليه الوجيه السود فيني ترجّوك=ليه الحسد ينعي بحييك وميتك
ليهٍ وليه وليه والناس جاعوك=وانت الوحيد اللي تعشى خويتك
ياصقر ابوي الهرج واضح ومحبوك=والهرج يعنيني ترى ما عنيتك
لاني بكيت احروف شعري وشدّوك=بالدمع من دفتر قصيدي سبيتك
انت الوحيد اللي حروفي تفدّوك=يمكن عشان العود غاب ونصيتك
جيتك وتدري رحلتي كلها شوك=بالله خفف ونّتي يوم جيتك[/poem]