عقب ماكثرت الالقـاب ياللـي موتـك الالقـاب
تصيـر النابغـه واليـا زهقـت تصيـر متنبّـي
ولكنها لا جت عند الحقيقه ، ويش جاب لجـاب ؟
تطير امع الهبايب كـل ماصلـف الهـوا ، هبّـي
( تقول : انا وانا صغيّر وانا مرهف وانا جـذاب )
واقول : الحمد لك والشكر لك والعفو يـا ربـي !
سواء تحسب حسابي ماتحسبه .. ماحسبت حساب
ولانت بكاسب ٍ كرهـي ولانـت بكاسـب ٍ حبّـي
ذا كبرك يا حليلك تلتوي بـي يـا فريـخ الـداب
اشوحك بالعصا وانت إتلـوى بـي وتنشـب بـي
اجنّب واتشيّـم وانـت مـاودك عـن المجنـاب
وحشمت القاف حشمة طيب من مدحي ومن سبي
لكْن لا خط لك شارب تماري بـه مـع الاشنـاب
تعـال وشـبّ ضيّـان التحـدي كانـك تشبّـي
واذا ودّك ترى حنا على استعـداد .. فالمرقـاب
نربّي واحد ٍ جا مـن هلـه ، ماهـوب متربّـي
لـ / محمّد المسعري
ادري انه مكرر لكن يشفع لي اعجابي بهالمبدع
حتى في الهجاء مبدع ماشاء الله عليه
لله درك
..
|