لارحمْ ابو حي(ن) ورد ناشف(ن) ريقه صـدّر وقيفانـه عطاشـاً كبـودهـا
وانا على حـوض القصايـد وعدّهـا سقت الجمال وعزّها فـي عضودهـا
منهـل ولا كـل المنـاهـل مسبّـلـه وماكل مـن هـاز المناهـل يرودهـا
الشاهـد الله يـوم جانـي مجالـهـا صرحٍ بنيـت الهـا وعليّـت طودهـا
السجـه اللـي فـي منـازل بيوتهـم عجزت لا أوصْلهـا واميـز حدودهـا
عيني على الي في السماء لاح برقهـا سحابـةٍ تمشـي وتـرزم رعـودهـا
ناديتهـا يمـي ويـمـي تداحـمـت عزايمـي مافيـه شــيٍ يكـودهـا
وانا على الطـرق الهلالـي نظمتهـا عشان يُعـرف عادهـا مـن ثمودهـا
وجتنـي تباهـا بالكفـوف المخضّبـه أمحشمـه ماقـط لمسـت نهـودهـا
لله درك يا يالدلبحي
عادل
صح الله لسانك
ولافض فاك
دمت بخير
|