|
سلام يابيت
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام يابيت ٍ عزيز ٍ جنابه = وانا ليا مريت به ضاق بالي
يفز قلبي كل ماجيت بابه =فزيز مرعوب ٍ مصيبه جفالي
يابيت انا ابسالك وابغى الاجابة= لازم تجاوب عقب تسمع سؤالي
وراك كنك عايش ٍ في كآبة = كنك حزين ٍ ذاق غدر الليالي
وين الوناسة والفرح والرحابة = وفل الحجاج ومرحبا والتهالي
وين الضيوف اجناب والا قرابة = وين الجموع اللي كبار الجبالي
وين الصحون اللي عليها هيابة =ويرما بها حيل ٍ غذاها الحيالي
والمجلس اللي كان يحسب حسابه =وكيف ٍ يدور بمكرمات الدلالي
وبيت الشعر عقب الطرب والطرابة = وراه مهجور ٍ من الربع خالي
وين السراج اللي بنوره ضوابه= نوره للاقصى والرفيق الموالي
وبعد سالته ما عطاني جوابه = وكنه يقول الله عليم ٍ بحالي
وكنه يقول الحر فيه اللبابة = ومن شافني عن حالتي لا يسالي
وكنه يقول اليوم مالي مهابة =وانا من اول رافع الراس عالي
وكنه يقول الجرح عمق ٍ صوابه= طاح العمود اللي عليه احتمالي
وكنه يقول الوقت فيه انقلابة = وا وجد حالي يازمان ٍ مضالي
وكنه يقول الشيخ قفت ركابه = وشفت الجفا من يوم شد الرحالي
وشفت الزمان الشين كشر بنابه = وغبر الليالي كدرت ما صفالي
وكنه يقول اليوم كني خرابة = شفت الكسافة عقب نلت المعالي
وكنه على الدنيا يوجه عتابه = وكنه يقول يكفّي اللي جرالي
وكنه يعبر عن شقاه وعذابه = فهمتها بالهجس لو ما حكالي
وعرفت ما يخفي وخمنت ما به = وشفت الجفا في شكله اللي بدا لي
وحسيت به والناس ما حد ٍ درا به= والدمع من عيني على الخد سالي
وهليت دمع ٍ مثل وبل السحابة = ومشيت ما ودي بكثر الجدالي
وكنيت في جوف الحشا ما خفا به = ما ودي ابدي للمواجع مجالي [/poem]
يالله يامحصيي الاحيا والامواتي=ياموجد المنعدم يالامر الناهي
تحسن ختامي وتغفر كل زلاتي = في ساعة ٍ ما يفيد المال والجاهي
اللي مضى من ليال العمر ما ياتي = واشوف بعض العرب عن واجبه لاهي
في وقتي اللي مضى ياكبر طمعاتي=ويكفيني اليوم منها كاسة الشاهي
|