محمد السواط

[poem= font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شهرين مشغول عن غيرك وفاضي لك=احاول افهمك بالتفصيل والمجمل
وارسمك واتفنّن برسمك وتشكيلك=واعتّقك في زوايا الذاكرة واثمل
واحيا معك وقتي الحاضر واضحي لك=بالقادم المنتظر والماضي المهمل
ماودي اطفي وهج صوتك بشوفي لك=وارجع بحلمٍ كسير وجرح مايدمل
اتركني اعذب اسورتك ومنديلك=والعقد الالماس والبرفان والمخمل
واعوّذك بامّهات الحرز وادعي لك=من باسمه البرق سبّح والرعد بسمل
صحيح زينك يشكّل فرق عن جيلك=وان ما كملت انت عمر الزين ما يكمل
لكن ظلمتك وعين العقل ظلمي لك=لو كان فسرتها على كذا محمل
جوري عليك انتصف لك من مقاتيلك=يوم احصروك بنطاق العين وانت اشمل
واللي منعني( ل) اجي واقرا تفاصيلك=احساسي اني اشوفك من بعيد اجمل[/poem]

يخرب .. بيت عدوّك .. يابو خليل .. يتعب القارئ .. من القراءه ولايمل .. من هكذا بدع وإبداع ..
لله درك
لله درك
لله درك

.

تقديري . لك يابو خليل ..
وكل عام وأنت بألف خير ..

,