السلام عليكم ورحمة الله وبركاتة

وكل عام ونتم بخير وصحه وعافيه

تواصلاً مع هذا الصرح الشامخ بمن فيه

اضع بين ايدكم هذه المتواضعه امل ان ترتقي لذائقتكم


[poem=font="Simplified Arabic,6,white,bold,normal" bkcolor="black" bkimage="" border="solid,5,gray" type=2 line=0 align=center use=ex num="0,black"]

ياخاطري لا تنتشيك المواعيد=رح واسترح يوم اختلفن النوايا
يوم انكشف زيف الوجيه المباليد=تنح عنها لا دهتك الدهايا
اضرب طريقك لاتغشاك المناقيد=يوم اقبلت سود النوايا عرايا
على النقى شيد معالمك تشييد=ماتقصر الهومه علوم الرزايا
وش عاد لو شحت عليك المواريد=لا بد ماتروى كبود الظمايا
مادام لك عن مفترقها محاويد=واصل مسيرك والخفايا خفايا
لا تلتفت لمكثرين التناشيد=القاصره ماتستبيح الخفايا
لك عن مداريق الوطى نايف الحيد=لا سترسلت عوج النوايب سرايا
ارفع جبينك لانثنى زيد وعبيد=لا دنقت هامت اقلال الحلايا
باب المراجل شايحاً للصناديد=يردون من شانه احياض المنايا
ياخاطري لو تنثني لك معاويد=سود الليالي ماقظت لك قضايا
لو..ترجع الايام عوداً وترديد=سوتبك وسوت بغيرك سوايا
سود الليالي همها يجرح البيد=والصبر من ميزة حميد السجايا
ياخاطري لو هي على كيف ماريد=ما شالت اخطايه جروح الخطايا
ولا ضاقت بصغري وساع الجراهيد=يوم اقبلت هومات بقعا ملايا
ياخاطري لو جرحتك التناهيد=هون ترى للدرب باقاً بقايا
هون يهون همها مخضر الغيد=دنيا ايدبرها كفيل البرايا[/poem]