((عـــــــــــــــزاه))
لاصرت تعشق لك خليل(ن) وتهواه
من عقب ماكان الهـوى مايهمـك
من عقب ماكنـت اتمنـاه منـواه
صار الهوى ايخالط عروق دمـك
لكن حذاري من هوى يبعـث الآه
من آه قلبـك ماهـي بـآه فمـك
اعشق واسهر واذكر الخل واتـلاه
طارد خياله ليـن طيفـه يضمـك
صعبة تلاقي بالوصل شط ترسـاه
وصعبة يبادلك الهوى ربع جمـك
مدامها سلومـي لهالفخـر مدعـاه
رح للتي من طق الاصبـع تلمـك
درب الهوى في داخلي طاب مسراه
وأخاف لايدق الهوى بـاب ذمـك
ودي أحبك لكـن الوضـع مأسـاه
ودي وخوفي انـك تـدس سمـك
ودي أحبك لكـن العـرف مبـداه
انـي ابنيـة سترهـا مايهـمـك
ودي أفضفض وأنفض الهـم والآه
وأخاف غمي يفتـح لبـاب غمـك
خدي شبع من لقمة الملـح والمـاه
تعال مسح دمعتي بطـرف كمـك
تعبت أغني لك من الشوق ((عزاه))
عزاه أنادي لـك ولانـي بيمـك
لو كل حظ(ن) يجلب اللـي تمنـاه
ياليت حظي جابنـي بنـت عمـك
|