وليد العمودي
جزل جزل وكلام ومعنى من شاعر متمكن
واشعار تال الوقت صارت تشابه
وجه القصيده صايرٍ كنه الغول
والبعض يخضع بالشعر لاحكابه
يرجي حبيبه حالته شبه مشلول
خايف يخونه ويتضاعف عذابه
وخايف يدق ويطلع الخط مشغول
وياكم من شاعر عزيزٍ جنابه
حرٍ ينموس بالشعر مير مقتول
طافي عليه الضو محدٍ درابه
مبدع ولايبغى مزامير وطبول
باب التحيّز ليش مفتوح بابه
شاعر يغوص وشاعرٍ يملك اسطول
ناسٍ تبي كل يصفّي حسابه
وليا نظرت افكارها(عصف مأكول)
صار الشعر منها جريح المهابه
ماعاد هو بالمجتمع ذات مفعول
جميع مستشعر يمثّل عصابه
يصبح علم لو هو(مهّرج وبهلول)
وجميع شاعر مستقل بخطابه
قصايده تحظى بتقدير مقبول
تدار ساحتنا بقانون غابه
واصبح بها طلاب الانصاف معزول
عز الله انك صدقت وانا اوافقك القول وكلامك مية في المية صح ،،
دمت وصح لسانك يالجزل ولاهنت ،، والدكتور لديه المقدرة كذلك على معالجة الموضوع
ومناقشته باسلوبه المعروف وجزالته المعهودة ،
لاعدمناكم جميع
سلامي على فكرك .
|