|
((..أنـا حـزيـنٍ مثـل مـا انـتي حـزيـنـه..))
السلام عليكم ورحمة الله وبركاته
متواضعه عسى انت تصل لذائقتكم من بعد غياب
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
(انا حزينٍ مثل ما انتي حزينه=اكن عبراتي ولا أنتي بتدرين)
بيتٍ قديم وكلنا حافظينه=مرت عليه سنين وسنين وسنين
لكنه بقلبي تزايد حنينه=من طاري الفرقا وشوق المحبين
القلب سورٍ...والمحبه مدينه=والشوق شعبٍ...والفراق المعادين
والشعب...لا من غمضت يوم عينه!!!=بيروح شعبك يالمدينه مساجين
والسور...هدته الجموع الرزينه=يعني...فمان الله يا دولة الصين
يقولها اللي معتبر من سنينه=ومصارع الدنيا من إيسار وايمين
خل الدكاتر...واسئل إمجربينه=الحب...ما يقبل على القسمه إثنين
مثل السفينه فالبحر...والسفينه!!=ربانها واحد على الزين والشين
درس الهوا من قبلكم دارسينه=ياللي دراستكم ورا عام الألفين
كان الهوا سجنٍ تراني سجينه=وكانه جنون أنا كبير المجانين
وكانه مثل بكين وامشجعينه=طلعت الأول في ماراثون بكين
أبظهر إحروف الغرام الدفينه=قدم العرب وأحطها (بين قوسين)
وابقطف إورود القصيد الثمينه=ولاعاد يبقى وردةٍ فالبساتين
يا مرحبا مليون يا عاذلينه=لا والله إلا يالعواذل ملايين
على مزاجي بتغزل بزينه=لعيونكم...حضرت كل الشياطين
الصمت ماله عندي اليوم بينه=لو قالو إنه من طبوع الحكيمين
أغليه واحبه وأقبل جبينه=غالي ويسوا له من الناس غالين
كلي فدا عينه وغمازتينه=والخد..والدمعه..وذيك الشفاتين
ما بينه وبيني...وبيني وبينه=دايم تصير أشواقنا بين بينين
سوا سوا من دون غش وغبينه=حتى غدينا بالغرام إمتساوين
يعني حفظنا سورنا والمدينه=الشعب صاحي ...والمعادين غافين[/poem]
وسلامتكم
|