منتديات المرقاب الأدبية - عرض مشاركة واحدة

20-10-2008, 08:33 PM

أعيش غربة خطاب الفكر غزو ونكـوف
في كل ليله معاها .. لين تصبـح حطـام
لو لذة الحلم حطت ف الضمير إمعـروف
ماخلّت العيـن تعتـب لاجفاهـا المنـام
ولوّ الندم في زبا سيله ماحـسّ الكفـوف
كان إعتذر عن لسان الحال جزل الكـلام
ياليل بلّغ سلامـي مرزمـات الصـدوف
قل وابله منهمـر بيـن اللحـم والعظـام
مرّت مثل مايمّر الكحـل عيـن الهنـوف
لوإنها غيمـه أحـزان ورعدهـا مـلام
ولاّ أنت ياللي ذخرت الدمع لأقوى الظروف
الله يعينـك تشيـل الهجـر .. والإنتقـام
أشوفها في عيونك مثـل سـلّ السيـوف
وأحايلك بالصبر .. وأبسط لـك الإهتمـام
ياطمعة العاشق اللـي لايحـن ويـروف
ودتك سـود الليـال .. وجابتـك للغـرام
تغيب عينك عن الأحلام مـدري تشـوف
ف الحالتين القرار الصعب مالـه عمـام
ماالله خلق للقلوب السود بيض الرفـوف
لاتتعب ركاب حبّـك فـي ثنايـا الظـلام
إما تجي للمحبـه وأنـت مافيـك خـوف
ولا إحمل الخوف في صدرك وردّ السـلام

الله الله الله

صح لسانك يا ابو تركي مدد ما هو عدد
أبدعت و أمتعت .. لا خلينا من هالحضور
تقبل تحياتي و تقديري

أخوك/ محمـــد ال عبـــدان