|
بوابة الصمت...!
السلام عليكم
للتواصل اقدمها عسى ان تنال شيٍٍٍٍَ من اعجابكم..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لاهنت ياباحث خفى كل مكنون=كفّ الفضول وعفّ وجهك عن الشمت
سدي خفي وأقصاي فالحفظ والصون=من دون بوح الروح بوابة الصمت
في خاطري صندوق الاسرار مدفون=نَذَرْتُ لِلرَّحْمَنِ صَوْمًا .وقد صمت
ماعاد يغري رغبتي شي فالكون=جوارحي شامت وانا مثلها شمت
شفّي ورى غيب المقابيل مرهون=وانا مع الصبر المركز تأقلمت
أهيم وادفع ركب الافكار بالهون=ولو ماعترض لي وادي الشعر ماهمت
معزوفتي تستدرج الجدي بلحون=اليا نقضت من التماثيل وابرمت
يندب لها بين الشفق والشفق عون=عين المجرّه صوبها , حسنة السمت
عنها مصابيح السماء تطوي البون=فكيت باب النجم يمي ونجّمت
لاباهت الاذواق في باهت اللون=أستخلص الباهي واباهي ليا قمت
ساحة غموضي غايتي كيف ماكون=برد الخلا يغنيك عن مقعد الحمت
صحيح لو قلت الدجى ماله عيون=لكن وش يطوي لك الدرب لانمت[/poem]
عرفنا من اللّي كان كيف الحياه تكون=مثل مايعرف مفسّر الحلم تفسيره
من الفكر سلّطنا على المقبلات عيون=وآمنّا بتصريف القدر شرّه وخيره
|