واحيان يمطر ذوق مهوب موفـوق
من شاعرن شعره علـى قـد حالـه
لاهوب لاسابـق وبالفكـر مسبـوق
ونظـرت خيالـه ماتعـدى ظلالـه
واحيان يمطر علقـمٍ يبـس حلـوق
من يستمع شعره ومن جـاء قبالـه
شاعر لاكن يقـدم الطـاق مطبـوق
اهـم حاجـه سكبتـه واعتـدالـه
والعوق بالاعلام لن كان ابه عـوق
وشلون يطلع مـن بشعـره ميالـه
الشعر لـه نقـاد معنـى وطـاروق
والشعـر ديـوان العـرب لامحالـه
والشعر مثل الجوهره جوف صندوق
ولاكل من يسعى ورا الشعـر نالـه
هذا والله الكلام الجزل والصدق ياعقاب
قلت وكفيت ، والوضع ملموس وعسى الله يزين الامور وانا خوك
صح لسانك ملايين
سلامي على بدعك
|