بين رمزية حروفك وتخمينك
فاصله .. تظهر نوايا مخفّيها
وانت ياللي تجمع الورد بيدينك
اجمع اورود المحبه وعطنيها
عندي اغلى من غيابك رياحينك
والهدايا تعكس احساس مهديها
فاح ريح الفل من لمسة ايمينك
وانثنى غصن المشاعر لطاريها
الليال اتشين.. والا انت يازينك
صورتك لايمكن الوقت يمحيها
جلّ من جمّلك بعيون مغلينك
لو طعونك مالقت من يداويها
كل ما ارجي فالعمر.. تقرب اسنينك
قفّت ايامك وغابت لياليها
لاتغارب لو ماقلت لك وينك ؟
ذكرياتك لوعة الشوق تحييها !!
كان ماربي جمع بيني وبينك !!
فأول الايام هذي وتاليها!!
غيب عن عيني وانا اغيب عن عينك
والقلوب الله يعلم خوافيها !!
ماهذا السحر ؟ سبحان من وهبك ...
محمد بن رشيد كم انت رائع في شخصك واخلاقك وشعرك ..
لايمكن ان يعزف هذه المعزوفه غيرك فانت اكبر من الاطراء ومن الوصف .
لك مايميزك ولقصيدتك الاعجاب والحفاوه .. لقد عشنا تفاصيلها ولازلنا منبهرين بها ..
دمت من عمالقة المرقاب واقربهم الى قلبي ..
|