|
اقلاع الرحلات الخارجية
الاعزاء اعذروني على الغياب واليكم هذة للتواصل وسامحوني على القصور
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العصير وفــ المطار وفــ الحجوزات وسراها = ونتظار أقلاع رحلات الخطوط الخارجيه
جادل مرت مع الصاله تجر اللي وراها = فوضويه في تخطيها وتسحب فوضويه
فوضويه . بس الارض بفوضويتها تباها = فوضوية طيش ممزوج بغرور وعنجهيه
كنها يوم انها تمشي على الارض بخطاها = كن الارض تقول حىّ اللي مشى والطيش حيه
عيطموس تذبح اللي قدمها على ولاها = زرق رمح وضرب هنداوي وطلقة بندقيه
ماتفكر في شعور الناس يوم الله عطاها = كبرياها فوق برج المملكه والفيصليه
رجت العالم عصير الله لايسعد مساها = اربكت جمع الحضور وكل اعذر في خويه
رحت انا واللي معي ودننا نكسب رضاها = والنهايه ماحصل لو ربع نضره عاطفيه
يابدر تعال وش لك دام مانت بمستواها = ارض بالواقع ترا احسن حاجه النفس الرضيه
وابك هاذي بنت عز وبنت نعمه من صباها = كل دوله جاتها شرق اوسطيه واجنبيه
وانت عمرك هالسنه كمل ثلاثين وعلاها = وين جاي؟ من الحويه. وين رايح؟ للحويه
مابعد ختّم جوازك غير مره لاسواها = يوم رحت العام للبحرين بـ الف وخمس ميه
وابك هاذي في كنوز المال مايلحق مداها = ورث ابوها وارصدتها فـ البنوك العالميه
وانت تركض لك وراها دنيا ملقيتك قفاها = وان توفى عودك ارث دين وبعير ومطيه
مير لاتحزن وتلحق نفسك الشرهه قصاها = وانت كلك نبض من قلب الشجاعه والحميه
انت من قوم يهاب الضد مايقرب حماها = يوم كل بـالمشوك فوق ريمه والعبيه
ترتع الضيدان وتربع تحت فية عصاها = فـ الجزيره قبل ماناخذ جواز وتابعيه
يوم نجد لساحة الفرسان ماياقف رحاها = فـ الصباح وفـ الهجاد فـ المناخ وفـ الغزيه
وعقب جاها الفيصلي اللي حماها وحتواها = بعد روّضها بصبر وجهد وعزوم قويه
لملم الشمل المشتت والبس الغذراء حلاها = وابتدا صبح جديد وزانت احوال الرعيه
ومن سنة توحيدها من يوم ابو تركي ولاها = شعب واحد لا تخلف لا جهل لا عنصريه
عاشوا ال سعود حكام يذرينا ذراها = من ملكنا طال عمره لـ وزير الداخليه[/poem]
وسلا متكم
|