وانت ياللي تجمع الورد بيدينك
اجمع اورود المحبه وعطنيها
عندي اغلى من غيابك رياحينك
والهدايا تعكس احساس مهديها
فاح ريح الفل من لمسة ايمينك
وانثنى غصن المشاعر لطاريها
الليال اتشين.. والا انت يازينك
صورتك لايمكن الوقت يمحيها
جلّ من جمّلك بعيون مغلينك
لو طعونك مالقت من يداويها
كل ما ارجي فالعمر.. تقرب اسنينك
قفّت ايامك وغابت لياليها
لاتغارب لو ماقلت لك وينك ؟
ذكرياتك لوعة الشوق تحييها !!
كان ماربي جمع بيني وبينك !!
فأول الايام هذي وتاليها!!
غيب عن عيني وانا اغيب عن عينك
والقلوب الله يعلم خوافيها !!
الله الله الله الله
الله الله الله
الله الله
الله
شعر شعر شعر يابو مالك ..
عذوبه وسلاسة وسهولة ممتنعة ..
صح لسانك ودمت كما تحب يا غالي ..
تحيّتي
|