بسم الله ,,,
[poem=font="Simplified Arabic,5,black,bold,normal" bkcolor="transparent" bkimage="" border="groove,4,gray" type=2 line=1 align=center use=ex num="0,black"]
القلم مثل السحابه والوَبل صافي مداده = والورق يعكس حقيقة كلّ شيٍّ ينكتبّه
والقصايد نبض شاعر حَسْب فِكْره واجتهاده = يافَرَضها الوقت والاّ ماتجي مِن دون سِبّه
والجزاله حظ رجْلٍ ماتزحزح عن شداده = دايمٍ شُرْبه قراح وكف غيره ماشِرِبّه
ودام قلبي قلب شاعر يطمحِ يْحقّق مراده = حالفٍ يافاس غيري ما أشيله واحتطبّه
ويوم كلٍّ مستريح ومستلذٍّ في رقاده = نبّني صوتٍ بْجنبي يشبه لصوت المنبّه
قال: نايم ؟ قلت : نايم ، قال : ماهي بِلْك عاده = ذِب عنك لحاف نومك ياسفير الحرف ذِبّه
لايغرّك زُخْرف الدنيا وتَرْكَن للوساده = ماينام اللي بقلبه للنبي قدر ومحبّه
وقمت من نومي بليلٍ باردٍ حالك سواده = وكل مافيّه يردد : إيه احبّه إيه احبّه
الرسول المصطفى اللي مابه اطهر من فؤاده = أعظمُ واكْمَلْ وَاجَلّ الخلق في مرضاة ربّه
الحليم اللي أرقّ من النسيم ومن براده = واعذبِ مْنَ النّهر واطهر منه واصفى من مصبّه
أشجع اللي في ميادين الوغى مِسْرِج جواده = واغزر من البحر مَدّ واعمق من البحر غُبّه
خير مِن جاهد ونَصْر الدين هو غاية جهاده = لين صارت قبّة الإسلام تعلو كلّ قبّه
صاحب الوجه الأغرّ اللي تسيّد فوق ساده = من رجالٍ لو يِطُبِّ ابْها البحر كلٍّ يطبّه
شرّع الدين القويم ومعقل اهل الشرك اباده = وانتهى الظلم وتبدد يوم خير الخلق جبّه
كمّله رب العباد وزاده من الفضل زاده = ولاذْكُرِ لْغيره سراجٍ مانْطِفى من يوم شبّه
جا على الدنيا يتيمٍ وامتلت طُهْر وعباده = وراح عنها والقلوب بهدي ربي مستتبّه
وياصلاة الله عليه اعداد من يحصِد حصاده = وعِدّ ماتِبْذر بذور الزرع حبّه عقب حبّه
وياقصيدي وانت طيرٍ حر يعجبني هداده = أشقر الجنحان واللي نَِبّ صقّاره يِنِبّه
نبّني علمٍ جديد وفِزّ مافيها ركاده = شاعرك مشغول مِنْ ماصار تفكيره ولِبّه
وعلّم اللي سلّ سيف الحقد والشيطان قاده = لايعرض رمز الامّه للشتيمه والمِسبّه
وعلّم اللي من وراه يقول للراي السياده = رمزنا ماهو بعرضه للمقرد والمسبّه
صح حنّا مسلمين وشعب تَغلِبنا الهواده = بس دون العرض نلبس للحرايب كل جُبّه
نكسر عناد المعاند وان تمادى في عناده = والله انَّ ايْشوف شيٍّ في حياته مارغبّه
ووالله لنقطع جداه ونحْرِمه شُرْبه وزاده = لين مايلقى لجرحٍ نَجْرحه ايّاه طِبّه
ويالله اللي لك نطقنا مومنينٍ بالشهاده = لااله الا انت ربٍّ تعلم السرّ وْمغَبّه
انصر الاسلام واخْذل خاذِله واكسر عناده = واقْطعِ لْسانٍ يعرّض خير خلقك للمسبّه[/poem]
|