ياسيرة الحب قلبـي شـرّع ابوابـه
يهزّه الشوق نوبه مـن ورى نوبـه
اجتاحته لوعـة المشتـاق لحبابـه
منها استجد الغـرام وزاد منسوبـه
روض المشاعر بشعري فاحت اطيابه
تعطّرت به فجوج الحـب وادروبـه
لعيون منهو خذا الخفّـاق وعجابـه
ينساب ودّه مـع الشريـان بعذوبـه
شخصٍ هويته وثار القلـب بسبابـه
عليه مزن الوله ماوقـف انصوبـه
اتهيّلـه فـي قصيـدي وا تقهوابـه
واهديه حلو الغزل واجـدد اسلوبـه
واغليـه دام الغلاحكـمٍ رضينـابـه
ماينّقـض والعلاقـه فيـه مكتوبـه
بأعذب غرامٍ وجد بالحـب وكتابـه
اسطورةٍ بالوفا والصـدق محسوبـه
الي هنـا يكتمـل نبضـي ولاآبـه
بالعاذل اللي نسج بالتفرقـه ثوبـه
مادام خلّي بوسـط القلـب يزهابـه
يحرم علي من بنات الناس محبوبـه
والله مايقتبس منها شيء يابو ناهض ، الا اخذها وحطها هنا كلها ،،
على قصرها لكنها والله انها لامست المشاعر وانا خوك مع هالاجواء والمطر
على ديارنا ،، والشايب ماهوب اللي وانت الله يهديك مالقيت الا هالمناسبة
وهالحين ههههههههههه....
صح لسااانك ياسعود جزل وانا خوك لاعدمتك
سجل متابعتي الدائمة ...
|