--------------------------------------------------------------------------------

مساء الخير على الجميع

هي امامكم كما اتت يكفي شاعرها ان تنال القليل من القبول
.
.

(كل ضربه بها يازين تعليمه
انتهينا وخذنا درس للأتي)


لكن العمر له وضعه وتقسيمه
وانت يانور عيني عوف زلاتي


شف قصيدي علشانك وترقيمه
واحد اثنين عشره لين مياتي


لكل بيتً كتبته فيك ترنيمه
تعجب اللي سمعها وانت بالذاتي


القصايد بدونك مالها قيمه
لعنبوك انت في كلي وفي ذاتي


اقتبسنا لـ ابن قحطان تسليمه
لكن اللي بقى كله من ابياتي


وكان مر بسماكم ياعرب غيمه
يمكن بيوم تاصلها تحياتي


ودام ماقدر على وصله وتكليمه
بكتب الشعر واطويبه مسافاتي


شوف حد القصيد وشف مراسيمه
ماتعدت حدودك في معاناتي


اكتفا القلب من حزنه ومن ضيمه
لكن القاف رافض يقبل سكاتي