منتديات المرقاب الأدبية - عرض مشاركة واحدة

#1 10-11-2008, 01:25 PM

السلام عليكم

مبطين عن القسم هذا وحبينا نتواصل معاه

بويتات قديمه وكان لها موقف بعد احدى البرامج الشعريه

اتمنى لها العبور فقط

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
غنوا ونفسي من غناهم دلجها = شي ٍ بنى من ضيقتي صرح وبراج
واسترسل الهاجوس حزة لججها = وتزاحمت في صفوته كوم وأفواج
شواردٍ .. تـارد لفكـرٍ نسجها = مـيراد طرشٍ ظامـي ألبير هـداج
وأخذت أعاينها وجنّب عرجها = يا لين شفت اللي لها القلب ينباج
صفرا ليا منه تدرّج درجها = تطوي من البيدا صحاصيح وفجاج
أخذتها ... والطيّبة منتهجها = ماني بمن يسمع سواليف هرّاج
اللي ليا جاب السوالف سمجها = سوالفه .. دايم على غير منهاج
ياكل من أعراض العرب ويعلجها = ولا صاح صياح اللقا يمرج مراج
ويـا علّ عـيني لا تزايد حرجها = ما تشوف له زولٍ على الأرض دواج
لا مالت الذكرى على اللي رهجها = دمعي غدا يدرج على الخد مدراج
وأقول ذي عيني وشيٍ ولجها = قدام خلق الله ... أدور لمخراج
ولا أنا .... نارٍ تزايد وهجها = للي تسمّر وسط خفاقي ولاج
اللي ليا من جاء الدروب وسهجها = يجذب له أرقاب الأوادم وتنعاج
فرقاه لي عنّ الهموم وسرجها = لا شك قربه فالهوى طب وعلاج
بين العرب عيني تزايد زعجها = وصدري على فوج المشاريه مزلاج
أجي وروح بهرجتي ما هرجها = محتاجه وما ودي أقول محتاج[/poem]

وسلامتكم ...