خلاص يامجنون وين انت رايح
هون ترى ماخذت فيـه الكفايـه
أدوختنـا بالولولـه والنوايـح
وفي كل ساعه جايبٍ لك روايـه
تحرم عليك الوافيـه والمدايـح
من مبتدا ماقلت حتـى النهايـه
صارت حداثتنا حداثـة فضايـح
ويرفعلها الاعلام بيـرق ورايـه
الشعر حطوله شـروط ولوايـح
والموهبه صارت مجرد هوايـه
صارو على الساحات مثل المنايح
والّكل منهـم سلعـتٍ للدعايـه
لاصفق الجمهور قـام إيتمايـح
وياليل دانـه دان غنـو معايـه
ويقول هبي ؟ يالمزون الروايـح
هبي على خلي هنـاي ودوايـه
والمشكله ينقد ويعطي نصايـح
وحكايته والمزن راحت حكايـه
خلاّ بيوت الشعر مثـل الذبايـح
يذبح ويصلخ تحت كـم العبايـه
أمحق هجوسٍ حركتها القرايـح
وامحق ظهور ونعبوهـا بدايـه
لا والله الا الوضع مزري وطايح
وانا أعتبرها في زمنّـا جنايـه
وختامها ياسامعيـن النصايـح
الشعر ماهـو سلعـتٍ لدعايـه
الله الله الله الله الله
محمد قبلان
حيّ القصيد وراعيه
صح لسانك مدد وليس عدد
والله يحييك في محلك بين اخوانك
اخوك
|