[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
للشعـر ميـدانٍ وللحـب ميـدان = وليا انبنى صرحهـا محـدٍ يهـده
وأنا من أول ثمـانٍ مالهـا أثمـان = من عمري اللي على ربـي مـرده
سجيت رجلي على جرّة كحيـلان = وقفلـت بـاب العلاقـه والمـوده
عن كل ملهوف خصْر وداعج أعيان = يجـرّ حبـل الغـلا والا يـمـده
يامحمد المسعـري مانيـب ندمـان = صبّيت بحر الهوى في بحر جـده
أدري انّ مانيب في هذي بغلطـان = مادام للحب ريـعٍ ..مـن يسـده؟؟
حبٍ عطيته لمثلك ربـع وأخـوان = هذا اللي آعـدّه وغيـر مـا اعـدّه
كم لي وأنا ضايقٍ بالـي وزهقـان = وأعلل النفس : (عسرٍ بعْد شـده )
الغالي اللي له بقلبي خشـم عـان = مزحي وجدي على مزحـه وجـده
نكبنـي بغيبتـه نكبـة حـزيـران = ووهبني بطيبتـه مـا تحـت يـدّه
الله يبيح الغـلا لـو كـان ماكـان = طاح المحبّ المكـبّ وبـاح سـده
ياصاحبي ماني فلامـاك خسـران = غلاك مـن كـل عـرقٍ تستمـده
شرّعت لك من ضلوع الصدر بيبان = من بعدها الحب مـن قـدّك وقـدّه
أدْلَه وجرّ الغنا لا صرت طربـان = ووقّـف وزان الغـلا والا تـعـدّه
وردت بحر الغلا مانيـب ضميـان = لكن على شـان مـن قلبـي يـوده
لا سامـح الله ليـلٍ كلـه أحـزان = ولا غلا ً مـا يوقّـف عنـد حـده
[/poem]


[align=center]لله درّك لله درّك لله درّك يافارس جميع الميــادين ..

القصيده هذي مسرّيه قسم بالله

هنا الإبداع بحذافيره مطبّق الله لا يضرك

الكلام عقيم في نتاج فكرك الفذ يالمسري

مار سلم لي على محمّد المسعري السلام الكثير وقلّه عايض يقول : بيض الله وجهك ولا توفـّر ولا فرصه تسنح لك تخلّي المسرّي يتهيّض


صح لسـانك صح فكرك صح بدعك صح كلّك




إعجابي اللي على ( ساق وقدم ) + خالص تقديري لك [/align]