السلام عليكم ورحمة الله وبركاته





[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وين انت غادي ؟ ماشي عاكس السيد = مسكين والمسكين واعزتي له
مايقنع المجنون حكيك ولا يفيد = الين تنشر للخلايق غسيله
لك لابة لافعالها تشهد البيد = فوق المهار المسرجات الاصيله
والا انت لا انت بعنتر ولا انت ابو زيد = وتشيل حمل ما انت قادر تشيله
ياللي تزيد الهرج تنقص ولا تزيد = عودٍ تحسب ان المسبّه فضيله
تعال ابعلمك كيف المناقيد = واعطيك نبذه عن علوم القبيله
ماهي بدون وجيهها حرب اجاويد = قبيلتي نارٍ تشب الفتيله
لاثار بالدنيا غبار وبواريد = عدوها تلعن ابو سلسفيله
ارسى من الضلعان واقسى من الحيد = واسطى عليك من السيوف الصقيله
اجهلهم اللي يمتلك فكرٍ بعيد = وارداهم اللي ماتلاقي مثيله
الطيب فيهم عام من دون تحديد = لا مات طيب جاك ولده بديله
واليوم امثلهم مثل قبضة الايد = كلٍ يبي لثاني اللي يبيله
ومن دون نقصٍ بالقبايل والاكيد = كلٍ وله حقه ونوفيه كيله
وان جالكم جاهل يبي للمناقيد = قولوا لياجاكم كذا ياحليله
مدحت حرب ولا على المدح تجديد = من باب بأني من شيوخ القبيله[/poem]