|
( جناب الود ) !
[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسلطان وانا اخوك شغل ( جناب الود )= ابقطع ضرم راسي من الشعر وبحوره
ابسج مع بدع الفرايد سمان القد = حرار الوصوف وناتج القلب وشعوره
ضمير القصيد اللى يمد الجزايل مد = انا واحدٍ محسوب من ضمن جمهوره
قصايد رفيق الدرب لاعوّدت للجد = عديمٍ ينومس ساع طاريه وحضوره
ليا غبت والا غاب ماهي دواعي صد = قلوب الرجال شهود والناس مخبوره
ياسلطان تل الجيب ساعه وهده هد = ليا شفتلك قاعٍ من الارض ممطوره
تعدى حزوم أمريخ وانزل بهاك الخد = علي الذاكره لازال ذكراه محفوره
بعد ماكبرت وعظم ساق البنادم شد = تركته ونفسي في مفاليه منذوره
خذتنا الليالي بين يمكن يجوز وبد = وقلنا لدورات المقادير مشكوره
سعينا نوّرد عد والا نصدر عد = وكسرت خواطرنا من العمر مجبوره
ياسلطان وانا اخوك جعلي ما بيّح سد = لعشقٍ مضاريبه علي القلب مخطوره
احاول بعد ما غاب طاريه اضده ضد = لكنه بقلبي نبض وبعيني الصوره
ادوّر علي ندٍ يلده ولا له ند = عليه المحاني والمعاليق مشقوره
خذاه النصيب وحط بيني وبينه حد = ومستقبل الانسان ماهوب في شوره
عسا الله يعين ولا تطفي ( جناب الود ) = ( ولا تستحي دمعة عيوني ) ومعذوره[/poem]
|