منتديات المرقاب الأدبية - عرض مشاركة واحدة

24-11-2008, 04:24 PM

الوهم لمواجه الوقت يغريني
جمّل صورّه بعيني وعلّقها
كلّ هقوه تبعد الشوف و تجيني
تستقرّ شوي وتطير والحقها
لين لامت مدّت يديني .. يديني
وأبتدى ليل الملام بتصفّقها
رحت ابي وقفه من الصبر تنجيني
قلت وين الصبر .؟ قال الندم ذقها
من كثر ما طاحو اشخاص من عيني
الظنون السود رزّت بيارقها
خايف يدور الزمن وانصدم فيني
النفوس احياناً تخون واثقها
من يجاملني وهو ما يدانيني
مثل من يهدي هديّه ويسرقها
ليه يا شوفي تكدّر حجاجيني
غيمةٍ فالصيف وتخيل بارقها
ذي ثلاث سنين راحت من سنيني
والهموم تزاحم الصدر وافهقها
الاماني جاهدت في مياديني
بس ماتت ما لقت من يحققها
يوم صار الواقع المرّ مرضيني
قلت اجمّع كلّ الآمال واحرقها
ليه اكبّر شرهتي بيني وبيني
يحتمل بيبان الاحلام .؟ طارقها

ذهب
ذهب ذهب
ذهب ذهب ذهب
ذهب ذهب ذهب ذهب
ذهب ذهب ذهب ذهب ذهب
ذهب ذهب ذهب ذهب ذهب ذهب
ذهب ذهب ذهب
ذهب ذهب ذهب
ذهب ذهب ذهب
ذهب ذهب ذهب
ذهب ذهب ذهب
ذهب ذهب ذهب

صح لسانك يا أبو مناحي مليوون × مليووون
الإبداع لا يستغرب منك ابدا
تقبل تحياتي و إعجابي

أخوك/محمـــد ال عبـــدان