أصعب شعور يخالج النفس دايم :
إنّك تدوّر عطـف منهـو تـودّه
لي قلب عن عطف المخاليق شايم
لو انْ ظرف ايامه السـود حـدّه
يوم الغلا مابين بايـع و سايـم
أمّنك قلبِ بـاح لـك كـل سـدّه
ماخفت يلحقني معك لـوم لايـم
إلين صبري وصّـل اليـوم حـدّه
غرّك مع الأيـام لبـس العمايـم
ولبست ثوب الكبر وأضريت كـدّه
مدام من نظرتك ماعـدت هايـم
كلام ماتقـدر تخبيـه ! .. بـدّه
بكيت حبّك لين دمعـي غـدا يـم
ياليـت دمعـي بـس أقـدر اردّه
خل جرحي اللّي بين الأضلاع نايم
فتحت باب .. وحظي الشين لـدّه
لـ زميلتنا الرائعه .. بنت وايل
|