[poem=font="Simplified Arabic,5,black,normal,normal" bkcolor="transparent" bkimage="" border="inset,4,gray" type=1 line=0 align=center use=ex num="0,black"]
في هزيع الليل مالي ونيس الا القصيد = ابرقي لي ياجزال القصايد وارعدي
كن عندي داخل الصدر جني(ن) مريد = ياهجوسي لاسرا الليل حري وابردي
مايعوض عن سماع القديم الا الجديد = الشوارد صيد للفكر والحرف ابجدي
كن من دون اعذب الشعرقفل(ن)من حديد = يتعب اللي يحسب انه طريقٍ جرهدي
الخواطر شرد لاكن اقيدها بقيد = مفرداتٍ غفل تمطر على الصدرابردي
شاردات الشعروسمي عليها مايبيد = واحكموا ياعارفين الجزيل من الردي
غايص(ن) في بحر ماكل من غاصه يصيد = كم شاعر قد سبح فيه قبلي وبعدي
اتقنص واترك السهل واصيد العنيد = اتغنا فيه موال واشدي به شدي
كل شاعر له رصيده وانا عندي رصيد = بحرشعري فيه ماضاع جدي وجهدي
القصايد تحمل انتاج فكري والفريد = والكحيلا من قصيدي رسنها في يدي
لي نصيبي مع هل العرف والراي السديد = امزج المعني مع القاف والهجس مدي
ان نشرته فالجريده وان ارسلته بريد = يستلذ بسمعه المحترف والمبتدي
اعتني فالشعر واقدمه للمستفيد = اتمثل فيه وان مت يقروه ابعدي
[/poem]