[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الهـدو مطلـوب والسجّـه سكينـه=والتخلّص من ضغوط النفس سجّـه
كان لـك قـدره ومبلـي بالمحينـه=يـم بيـت الله ياغـافـل تـوجّـه
سج رجلـك بيـن مكّـه والمدينـه=وانوهـا لله بعـد اتـزور حـجّـه
لا تقـول الحـي ممهلـة ٍ سنينـه=والبنادم طيـر مـار العمـر عجّـه
كل عاقـل هرجـة لسانـه تدينـه=واحرص لسانك عليك يصير حجّـه
عانهـم مـن كـل فـج ملبّييـنـه=لا تهـاون كـل فـج يفَـج فجّـه
لب واحرم وانعتق مـن كـل زينـه=وانعزل عن عالـم ٍ صجّـه ولجّـه
كـذب وامّـاراه واحقـاد ٍ دفيـنـه=ضحك سن وعض ناب ولوي مجّـه
ارد واشرب من عرى الدلو الضمينه=واللسان اللي طعمـك الملـح بجّـه
النشامـا كـل ضيـف مكرّميـنـه=وانت ضيف الله وضيف الله موجّـه
من قضا فرضه مثل من سـد دينـه=ذا كلام اللي علـى بيضـا محجّـه
ياهنـيّ اللـي محجّـج والديـنـه=ما يبا منها ريـا وإحـداث ضجّـه
ينصر الله من نصر فالارض دينـه=من بذول ومن فقيه ومـن موجّـه [/poem]
للشاعر المبدع / عايض النفيعي
الله يكتب له اجر هالنصيحه الثمينه وينفع بها
|