منتديات المرقاب الأدبية - عرض مشاركة واحدة

01-12-2008, 12:35 AM

بعد ذاب الجليد وشـدّت الدفـوه وشـاع النـور
وبانت شمسنا .. والشمس من يقـدر يخفيهـا ؟
بديت أكشف لك أوراقي لكن ! بين السطور سطور
تضيع إمن الخجـل .. مابيـن كاتبهـا وقاريهـا
وانا والله صخي دمع وقوي باس ورقيق شعـور
نقايض صح ! لكن حكمـة الله وش تسمّيهـا ؟
أمانيـي ظـلام ودمعتـي بيـن الجفـون تفـور
ولا ودّي تطيح الدمعـة .. إليـا طـاح راعيهـا
حزين وخاطري من خلقة الدنيا وهـو مكسـور
وأحاسيسـي جـروح ولا لقيـت اللـي يداويهـا
ليا منّي سرقت إمن الفرح بسمة رضا وسـرور
تداوَر ضيقتي ! ضحكات سنّـي .. ليـن تدميهـا
أفكّر فالهبايب .. والمطر ! والغصن والعصفـور
وأبرّق فالامور المقبلـه .. وش لـون تاليهـا ؟
وإذا جت للصحيح الوقت جايـر والسنيـن تـدور
لكن عندي طلب يـا غايتـي .. مادامنـا فيهـا
تعال أجلس بجنبي وأشعل الجلسة فرح وسـرور
ولا جات همومنا ؟ قـل : يالله إنـك لا تحييهـا

لله در الإبداع يا شيخ