|
عذر المصلّع
[align=center]
الأخوه والأخوات في المرقاب الخلاب
السلام عليكم
لكم ولمن قال لا تبطي
اسمع بالكيبورديات وقلت أجرب حظي
والنتيجيه بغت تصير حوليّه
وليتها تجمّل
القصيده:[/align]
[frame="9 80"][poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ضوت لعيون مندوب الوفا من ديرة الغيّاب=كما يوفي الكريم ليا لفا ضيف وضوت بكره
حلاله ذود والقعدان قد قفّا بها الجلاب=لكز زالع نحرها بالذريع وكزّها الصفره
هلا بك عد خطوات الخلوج تلاوي الأطناب=هلا بك نصّها بنت الخلوج ونصّها عذره
هلا تنجاب في توله.. هلا تخلط مع الأطياب=هلا ترجع بها النحله ليا حامت على السدره
يقول اللي سمع ليلى تقول لقيس ماش اجناب=واذا جا قيس يرعى في مضاربها وقف شعره
ما احد والله عطاني فاس ثم قال اشتغل حطاب=ولاني شيخ تجّار الطمع في ذروة الطفره
انا عذر المصلّع يوم وحده عرّضت بنقاب=رمى الشرهه على نوع العقال وطمغة الغتره
خويي يستعد لسالفه عقب نغدي شيّاب=يعربنّي حياته كلها.. مالي خوي سِفره
انا واياه والدنيا ظلام وشمعتين أغراب=نولّع لين يطلع صبح والله يحسن الدبره
غدت شعله وانا ما زلت مبعدها عن المشهاب=اجل وشلون لو اركيتها مرّه على جمره!
كذا الدنيا تعاملني واعاملها ببرود اعصاب=انا موتسارت في دنياً لها نبره ولي نبره
انا يا طفلتي شاعر كتب في عيونها باسهاب=مهو شاعر لانه ينقصه في اسلوبها خبره
خذي كل الشعر من منتدى المشراف والمرقاب=وشدّي اذن القصيد وفهميه ان كان لك قدره[/poem] [/frame]
|