[poem=font="Simplified Arabic,5,white,normal,normal" bkcolor="transparent" bkimage="backgrounds/32.gif" border="none,4,gray" type=0 line=0 align=center use=ex num="0,black"]
من ما يكن القلب بيحت واخفيت=وان سارت الاقدام ضاقت ادروبي
حاولت اجامل واخفي الهم وازريت=كل العرب باللي حصلي دروبي
وكم مرة من ضيقه الصدر صديت=وضحكت لو في القلب نار شبوبي
ما ودي اكشف علتي مير ونيت=ومن ونتي كل العرب ناظروبي
والياء سألني واحدن عنه قفيت=يم الخلاء الخالي وشقيت ثوبي
واخذتلي طــاروق بيت وراء بيت=وفتحت طاقات الحشاء للهبوبي
والياء طراء الطاري وبالقاف غنيت=والله ما أقلد بالدول والشعوبي
الشعر خاواني وانـا معه خاويت=رفقت سنين اطوال ما هوب دوبي
لكن بطروق المحبه تعنيت=واللي ذبحني ما حسب للذنوبي
ما يدري اني من غلاه استخفيت=حبه لعبي لين كثرت اعيوبي
كم ليلة يمسون الاجواد ممسيت=لين الصبح ينباح من كل صوبي
والياء ذكرت الله وصليت سجيت=قلبي على التفكير فيه مغصوبي
اللي طوَِِعني لين طاوعت ورخيت=ما عاد اميز شرق والا غروبي
والياء تذكرته من النوم فزيت=فزة قريص الداب ماني كذوبي
ابكي على لاماه واقول ياليت=لوساعه من العمر حسب الوجوبي
اللي معاه القلب روح وانا جيت=في ذمتي لاجله ما حسب تعوبي
وام ماحصلي شمعت الدار والبيت=والله لقعد طول عمري عزوبي
[/poem][/poem][/poem]