كل عام وأنتم بخير قبل الزحمه





[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياشعري ليا هب الهوى وإستمال الفيّ = على روضةٍ يصدح من الحزن قمريها
وغنّوا بصوتٍ ميّت .. أهل الصبا والغيّ = طواريقٍ أولها يعيّفك تاليها
تغنّا .. وراسك ماتوارا وصوتك حيّ = تدل الدروب .. وتعطي القوس باريها
ياكم شاعر آحفظ إسمه .. ولا آحفظ له شيّ = بعيرٍ لامن البدو شدت يباريها
وشاعر إلى قال القصيده نفضت يديّ = من الساحه الشعبيّه .. وقمت أغنيها
أصفق لها وأقول : ياليت هذي ليّ = لو أني حرامي ماأمرحت عند راعيها !!
وأنا فيّ غرور وفيّ تواضع وفيّ وفيّ =لامنّي هرجت أطقّها بين أذانيها
على راسي أسما الطيبين .. وتحت رجليّ = أسامي وجيهٍ عفتها قبل ماجيها
سلامي سلامٍ لو تعدّه مهوب شويّ = كأنّك تعد الناس وحروف أساميها
على سيدي حمدان .. ولي عهد دبيّ = مكمّل مسيرتها الجديده وبانيها
شبيه النهار .. مرادف الما .. نقيض السيّ = أمير المناصب من قلمها لكرسيها !
كبر منصبه .. لكنّ نفسه مثل ماهيّ = ماكبرت وغرّتها البشوت وتباهيها
والأنفس بيوتٍ من فئات الطبوع مليّ = الأقدار توجدها .. والأخلاق تبنيها
مجالس على شي .. ومجالس على لاشيّ = ماتلقى بها غير قهوتها وشاهيها
ظلمت البحر ياللي تزيده بقطرة ميّ = وهو غبّةٍ تسبح بها وتغدي فيها
من الممكن تحاول تحصر الهوى والضيّ = ولاتحصر فعول ابوراشد وتحصيها
يقولون : حاتم طيّ .. وأقول : حاتم طيّ = يغدي البطون الجايعات ويعشيها
وهو بالكرم يحري بذيّ .. ويتعدّا ذيّ = ولو تقول له : عطني عيونك عطاك إيها
الأنهار .. والسحب .. ومشاريع صرف الري = سماواتها راسه .. ويمناه واديها
عليه السلام الواجد اللي مهوب شوي = وعليه التحايا اللي جزالٍ معانيها[/poem]







وسلامتــــــــكم

...





alm_202@hotmail.com


...