ثورة البركــــــــان

(؟؟؟)

[POEM="font="Simplified Arabic,5,black,normal,normal" bkcolor="transparent" bkimage="" border="outset,4,gray" type=2 line=0 align=center use=ex num="0,black""]بسم الله اللي مايخيب الرجابه=ياحي ياقيوم جبار غفار
ياالله تكفينا الدهر وانقلابه=واعوذبك من فتنة القبر والنار
خيال هاجوسي سرت به ركابه=معا ظلام الليل والليل ستار
شد الرحال وكل درب(ن)مشابه=تايه وتلعب فيه دوامة افكار
ظلما رعد براق(ن)ترادف سحابه=اعصار عاصف دندنة ريح واغبار
فرسان خيل(ن)والسيوف اتشابه=يومي بها الفارس ولا تاخذ الثار
بركان ثاير نار ووحوش غابه=امواج مد وجزر والبحر غدار
بحر المعرفه يتعب الي هقابه=ولا يعوم بغبته غير بحار
العلم عالي من تعلم علابه=مايلحق حده ولو صار ماصار
ياهل الجهل ماسكر العلم بابه=دربه وسيع ومن دخل منهجه سار
نور القمر من تاه دربه سرابه=لو الدروب ايمين قدام ويسار
راعي المعرفه والحكم يقتدابه=والشعر له شيمه وقيمه ومقدار
واليوم ياهل العرف ماله مهابه=كلام فاضي هزل تزوير تكرار
بعض الكلام الغث وش ينبغابه=لافايده ماله مقام ولا كار
والجزل عسر ومن بداه انتهابه=مثل الجواهر سوقها غالي اسعار
ياهل المعرفه مقصدي من درابه=واقع خيال اواهم حقيقه اسرار
البنت(بكر)وعرضها ينحكابه=تبكي قهر غبن ومهونه من العار
هذا كلام الصدق وابغا جوابه= ان كان عاد بساحة الشعر شعار[/POEM]