آسفــآركـ ...

_ أسعدتم مساااءاً
بالخير والتفاءل




متواضعه
تناشد القبول :







[poem=font="Arial,6,indigo,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الله يجيبك من آسفارك على خير = وتعود لآآحضآن خلّك بالسلامه
آقولها والكفوف لخالق الطير = مرفوعةن مثل مركوز الثمامه
آدعي دعآ من ملآه الذنب تخدير = تكفي عيونه عن الشرح بكلامه
آودعّك والدموع اتثوع واتحير = تقول بالعين مذرور العسامَه
بس اتجلّد لو اعزومي شعاثير= والصبر شفت التقوّي به رخامَه
من الفجر لين اقبلت لي صفرَة اعصير = والحزن فيني مثل موس الحجامه
غيبتْك وهّاج بركان وزمهرير = وكسرَة يتيم ن تعشوّبه عمامَه
ضاقت بي الارض لو كانت مشاوير = اشوفها كبر منقار الحمامه
ماعاد للحي عقبك فيّ تآثير = لامن تعدّيت شحيّت بسلامه
آسفلت شارعك آشوفه كآلمسامير = وطاقتْك فيها من البعد انهزامه
الله يحَفظك عدد ماساير يسير = من كل شرن عواقيبه ندامه
عسى سعادتك تمطر لك تباشير = وعساك مع كل خفقَه بآآبتسامه
يآآجمل عطآ جآد به وآل المقادير = في قلب من يَنظرك مثل الكرامه
خوذ الحذر من غبن بعض الغنادير = اللي لزرع الحِيَلْ فيهم لئآمه
وخابرك ماانته بحاجة زود تحذير = بالعقل والمستوى مرفوع هآمه
وآنا شويرك عن احلوق الاشاوير = آصرف لك الراي من كبد الغمامه
وآقرب من انفاسك اللي كآلمباهير = لا آحتجتني وقفتي تنضح شهامه
لك فيّ عشق وغلا حشمه وتقدير = وحب ن يمركيك في ذروة سنامه
انته معي سر خمس اسنين في بير = محفوظ بي نَحتْ لايوم القيامه
ولا آمّر من غيبتك من دون تبرير = ولا آحّر من سطوة السان الملامه
إلأ ليامن تذكّرتك مع الغير = آقرب من اظفوره لبصمة ابهامه
ياليت يرجع زمن جسّاس والزير = والله لا آتلّك من اكفوف الزعامه
المنتحّر ماحسب لَمْع البواتير = لامن تساوت حياته مع عدامه
انا لي الله ولا بيدي تدابير = غير السهر لو حرم جفني منامه
وغير انطرَك بالقصيد وبالتعابير = من شاعر لعودتَك يَرمْ العمامه
لو كنت آرى كل ماقدمّت تقصير = ياباشة ن بالحلا تفرق علامه[/poem]







وسلامة الجميع ...