موروث اللامان

مساء الخير للمرقاب واهل المرقاب ولمن عدى المرقاب اعذروني على لانقطاع لمبرر وذلك لظرف خارجة عن لارادة
قصيدة جديدة تعبر عن نفسها ارجو قبولها ولكم جزيل الشكر .....

[poem=font="Arial,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قم ياخويي قوم يا عالي الشان =على ابيضٍ علامته مستديره
ابيض بياض الثلج موروث لالمان =وقع كتلوجه وصرح خبيره
كنه كما الولو على فص مرجان=يكيفيك من شره ويعطيك خيره
يشريه قرمٍ ما حسب زود لاثمان=له قيمةٍ عليه ما هي عسيره
شيك عليه مع المغيرب مسيان=وغير زيوته ونتبه شوف سيره
شد الوكاله دون زودن ونقصان=ولا دبر الهندي سلوك الظفيره
ثم دق سلفه يا سلايل كحيلان=خله يجوب خطوط نجد العسيره
اليا انتهض كنه حدى طيور سلمان =امير نجد القرم صاف السريره
وليا انخرش كنه وساويس شيطان =في جاش مصطورٍ بلش به مديره
وليا أنطوى عنقاء كما مطرق البان=عنود غيد وبنت فارس وأميره
وليا فشح كنه كما الشيخ راكان=لا ثار عج الخيل وقت المغيره
في لازمك يا عناد منته بخسران=شوف الرجال اهل الوجيه السفيره
منصاك شيخٍ للمواجيب عنوان=صيته علا في كل شبه الجزيره
فنجالنا يا عناد عند ابن قشعان=من دلةٍ تشفى الكبود المريره
يحوفها قرمٍ على الطيب ضرمان=كن ريحها مسك ينسنس عبيره
تشفي عماس الراس لصار خويان=مع فذةٍ سكر نبات و جديره
من بن صنعا تو ما جا على شان=مختم( ن) تصدير له دون غيره
خولان ماهي حي يا عناد خولان=والي صفطها له مبر(ن) ظميره
تنشر له البيضاء على كل ما بان = نسل الشيوخ اهل السيوف الشطيره
من مقدم الهيلا لا هانو ولا هان=ولاهان رجال(ن) ادروبه نويره
عتبان يا نشد عن القوم عتبان=من فعلهم عين المعادي ضريره
كم واحدٍ يبغى وراح بخبر كان=طاح بمكانه والضواري تديره
اسيوفهم في جمجمة كل فسقان=ما يبضع الا فا لاسامي الشهيرة
يوم الملقى يوم زوغات لاذهان= اما فراس الشيخ ولا شويره
ما حافو الشاوي ولا راعي الضان=خيره عن الشاوي يقولون خيره
يا عناد وديبه وحان لقاء حان= نمشي على نور النجوم المنيره
وانا على الشوفه شفوقٍ وضميان =ما مقصدي درهم ولا ربع ليره
انهج على لابيض مواريث لالمان= وقع كتلوجه وصرح خبيره[/poem]