إستجواب راكان بن بدن الان !!

[FRAME="13 70"]
راكان علامك متكدر ياخوك ؟
البارحه مابين ضاحك ومزّاح
كلمه لفتني من رفيقٍ سنافي

ماعليك منه والرجل مايلحقه شك بعمره وبعدين غالي لايكون قدره طاح عندك؟
لايحسبن قدره بعد كلمته طاح
ماتستشك ألا النفوس الضعافي

والحل ياراكان بنظرك ؟
ياليت لأفواه المخاليق مفتاح
حتى نسكّر فم من كان هافي

كيف الواحد يصير بنظرك شاعر مشهور ؟
كانك تبي تنعدّ ضمن المشاهير
اهل السلوك الناعمه والدقاقه
جمّع بني عمّك وناد الجماهير
ولكل صاحب شان ارسل بطاقه
وسو أمسيه وحده ولوكانت عصير
وحاول تكوّن فالصحافه صداقه
واصهل مثل جسّاس وكليب والزير
واشهر على الشعّار موس الحلاقه
وامدح وسب وغن لجل الغنادير
سب الوفي وامدح من الناس عاقه
وخذلك لقا وسط النياق المغاتير
جنب الرحول وماسكٍ راس ناقه
واجلس على المركى وقدّامك الطير
وبيت الشعر خلفك يهبهب رواقه
وصوّر مع اهواة القنص والصقاقير
وجمّع حوالينك شويّة رفاقه
هذا يقنّد فالدلال المباهير
وهذا يتبسّملك ويرخي شقاقه
وهذا حلب لك من حليب المصاغير
وهذا على مدحك يزوّد نفاقه
واجلس على الروض الخضر والنواوير
وزوّد برستجيك وهرجك لباقه
وصوّر على الشاطي وصوّر على البير
واطلع بكامل رونقك والأناقه
كذا تجي شاعر وسيّد شواعير
لو كان ماتقطف من الشعر باقه

كذا عميت الشعراء كلهم وبيزعلون منك ؟
ما اعم أنا لاشك فيهم هوامير
تفتح على المعنى ثمانين طاقه
اهل المعان الوافيه والتعابير
جلّه خذوه ولا شقْوا في دقاقه
هذا وحبْك الشعر مازاد توقير
الرجل من فعله يبين انطلاقه
الله يوفّقنا لحسن التدابير
ويصدّنا عن مهتوين الحماقه

لو سالتك عو هواك ومرادك وش يكون ردك ؟
أنا هواي مجالسي للمناعير
الطيّبين الصادقين الحشامي
اللي لهم فالقلب حشمه وتقدير
يطرون لاعدوا كبار الأسامي
وشوفي لزينات النياق المغاتير
سِند الغوارب شامخات السنامي
جِرد الرقاب منومسات الجماهير
خزيزة الفارس نهار العسامي

يقولون اخر علاج المرض كي وانت وش تقول؟
صحيح بأن آخر علاج المرض كي
بس البلا من نقّض الجرح كيّه

ماهي اكبر مصيبه بين الاحباب في نظرك؟

وأكبر مصيبه تبتـدي بيـن الأحبـاب /
لا صـار خلّـك مـا يثمّـن غـرامـك




كلمه اخيره؟
يارب يارزّاق ياخير فتّاح
ندعيك فالمسعى وعند الطوافي
فالآخره نهنا ونسعد ونرتاح
ونشوف وجهك يوم كشف الخوافي
[/FRAME]

بحدي

متابع





.

استجواب اكثر من رائع .. تجلت فيه الشاعريه الفذه للشاعر / راكان بن بدن ,,

و تجلت كذلك روعة ذائقتك وحسن اختيارك يابو مبارك

تحياتي لكما

أبومبارك



ياجعلني ما اعدم وفا الطيّبين شرواك


والله مادريت عن الموضوع ودخلته بالصدفه ، قريت عنوانه بعد توقيعك ، وكان بيفوتني هاللقاء الشيّق اللي زاد تألقه أنه أنت اللي كاتبه يالقرم


لقاء رائع واختيارك ممتاز واتوقع لو أنك سائلني ماقدرت أجاوبك زي كذا

لكن روعة اختيارك وابداعك زاد من روعة اللقاء السرّي .




لك ولجميع المتابعين فائق التقدير

ياسلام سلّم


سوال وجواب شعري مميز


واخونا راكان من الرجال والشعراء الاكارم هنا


يستاهل التقدير


ولاهنت يا بومبارك ،


..

لا هنت يا بو مبارك

راكان بن بدن شاعر من النوع الفريد .. و يستاهل هذه الوقفه
بالتوفيق لشاعرنا و مستجوبنا

ابو مبارك انا ماقريت الموضوع او مانزلته

واحسب انك حاط الاسئله وتبي راكان يجاوب

سوري يالذيب

وبيض الله وجيهكم


.

ياسلام ياسلام
استجواب شعري غير شكل

لاهنت يابو مبارك
وصح لسان الشاعر راكان بن بدن

اقوووووووووول صاخ ابليس

مدري الروعه في اللقاء والا في القصيد

بس الحقيقه انه شاعر مبدع وانك يابومبارك ((متفنن ))

وفقكم الله

بيض الله وجهك يا ابومبارك

عزالله أنك أحسنت الاختيار



الاخ راكان شاعر مبدع وجزل ومن الشعراء الذين أتوق لجديدهم فعلا

سلمت على هاللقاء وصح لسان ابن بدن ،،





..

خالد السويكت / هلابك يابومبارك

غانم الذيابي / تروق لي متابعتك ، الأسئلة حاطها علي والأجوبه كذلك يعني الإبداع منبعه من علي الله لايهينه .

مشعان البراق / الجمال يتجسّد بتواجد الوافين شرواك .

مرزوق الروقي / شهادة اعتز فيها ، والأخ علي يستاهل كل خير .

سداح / والله أن كلامك تاج على راسي .

محمد آل عبدان / الله يوفقنا ويوفقك لطاعته ورضاه ، وبيّض الله وجهك .

عبدالله بن قنيص / صح بدنك وابو مبارك خيره سابق دائماً .

المسري / هلابك ، تأكد أن الروعه تكمن في تواجد وأن أساسها ابداع أخوي علي .

مناحي / يستاهل ابومبارك ، تتوق لك الجنه انشاء الله والله يوفقني اقدّم مايحوز على رضاك ورضا شرواك من اللحوات الغانمة .

خالد السويكت

غانم الذيابي


مشعان البراق

مرزوق الروقي
سداح
محمد آل عبدان
عبدالله بن قنيص

المسري

مناحي


مرحبابكم مليار وسعدت بتواجدكم ومن حبه الله جمع ضيفانه وانا جمعتكم خوفاً من التقصير

والا كل منكم له رد خاص


راكان صدقني انك انت المبدع والجزل وتستاهل كل خير ياوجه الخير

لبا قلبك ياعلي ..

ابدع تفي طرح الاسعله ، وابو بدن ابدع فالاجوبـه

<- مايفتهم


سلام’ عليكم

عبدربه

هلابك ولاقصرت


مرورك شرف

:
:

حوار شاعري (( لذيذ )) .. !!
مع شاعر جميل ورائع ..
أجابات (( شعر )) كافية .. شافية ..

صح بيانك ياراكان بن بدن ..
وكل الشكر لك ياعلي مبارك .. !!



يارب يارزّاق ياخير فتّاح
ـــــــ ندعيك فالمسعى وعند الطوافي
فالآخره نهنا ونسعد ونرتاح
ـــــــ ونشوف وجهك يوم كشف


أأأأأأأأأأأأأأأأأأأمين .. !!