مشاعيب قبل " الصيام " !

كل عام وانتم بخير
تقبل الله طاعاتكم ووفقكم لخير العمل .

هذي مشاعيب " طريّه " عشان تجديد العهد .
وعلى عهدنا القديم " الزعل مرفوض " .

× - الله يذكرك بالخير يا ساعد الثبيتي
ابراهيم و راقي اصدقاء خاصين و زملاء مهنة
رد لغالب الشريف في مرقاب الخليل .

- والأخوان ساعد وراقي ذولي متعرف عليهم في " جبل " .. ؟؟

××

× - نحبها مهما جرى .. ونهوى ابتسامات الفرح
... ونهوى ابتسامات الفرح
..... ونهوى ابتسامات المرح ..!
رد لناصر تراحيب في مرقاب الخليل .

- مدري كني سامع هالمقطع في برنامج اطفال , " ابووليد " تعوّذ من ابليس واعقل
وبعدين اول مره اشوف مدرس يتأثر بطلابه !

××

× - مشكله لاظقت ولااحدن درابك ومشكله ان ظقت و درابك احد
رد لخالد السويكت في مرقاب الخليل .

- اهم شي انت داري بنفسك والا لا ؟؟ عشان ماتكبر المشكله ؟
وبعدين ماعليك مجهولة الهويه العنود داريه فيك .

××

× - جعلت يدي وسادته وعيني مصباحه الليلي
لاسكات حبي الموهوب لعاشقي الراحل
من موضوع لوردة ابها في مرقاب الخليل .

- الله يرحمه كان رجل طيب ومات " محروق " من عينك الساهره .

××

× - ياليت موطناااا صغير المسااحـة
كاان الخووي مايفترق عن خوويه
توقيع سابق لعبدالله الرقيب .

- كل يتمنى على قده ياعبدالله !

××

× - تفرني الضيقه وانا اجيـك مفتـر
والحظ يلعب في المحب .. ويفرّه
بيت لصلاح بن شريم من قصيدة ثلاثين مره

- أخ صلاح لا عاد تروح للملاهي كثير لانها اثرت بشعرك كثير .
واذا صرت مصّر تروح انتبه تروح للصحن الدوار .
بعدين احسنت يوم شلت معروض طلب الرد اللي كان قبل القصيده .
××

× - ان المقاله جميله وانت في قمة هيجانك الفكري
انني متأكد مازال في جعبتك الشي الواجد
انني بإنتظار بل استناك ياراوي زمانه
رد لعلي مبارك على رواية ناصر تراحيب .

- انني متاكد انك ماتدري وش قلت .
وانني في كل مره اقول بتحاشا علي مبارك لاني مصختها وياه
لكن ابداعك اللي شروى اللي فوق
يجبرني على تخصيص مشعاب لك في كل حلقه .

××

× - قولولها نواف نايف يحذرك ان مات لاتطري عليك النذاله
رد لنواف نايف على موضوع رحلة مشانق سعيده لعبدالرحمن حمد

- وهذي اي نياقك عشان نعلم الورثه يقولون لها
أياك والنذاله وصوني وصية المرحوم وهو في تربته .

××

× - قرأت اسطرا ً ذات تفرد
ومعان ٍ تخبئ الكثير وراء ادراجها
رد لمحمد بن فارس على موضوع انا ضد ما اكتب لريم التركي

- اللي نعرفه اننا نخبي في الادراج مو وراها بارك الله فيك .
ادري ان ودك تقول حاجه زينه بس منت قادر توصلها .

××

× - الله لو تدرين
وش كثر لك فيني
من
شي مدري به
داخل شراييني
من هذيان فيصل السواط في مرقاب الخليل

- ابوريما هذي تنفع لافته لجمعية مكافحتة التدخين .
لانك قاعد توصف " زقاره " مو حبيبه .
××

شفت العيون وعلقتني بنظره
تعليقة البالي على نعش الأموات
توقيع لعدنان مرضي .

- فكره غير مسبوقه وممكن نقبلها على مضض .
لو انك يابومرضي علقّت واحد من الاموات مكان " البالي " مع انه مايعلّق .

××

راعي هالصوره ذكي
عشان اذا احد طلب منه حاجه قال بهالشارب ومسح بيده على مكان شاربه اليمين ومايكون فيه شارب
واذا مشتهي يسوي له حاجه قال بهالشارب (الي عاليسار) اني لسويها
رد لنوض على موضوع عبر عن الصوره ( 5 ) لمحمد مشوط .

المشاركة الأصلية كتبت بواسطة نوض

مسجي
لمدباس

ماصارت لازم ترجع


اشتقت لمشاعيبك

- تذكرت المسج اللي فوق قلت بامشيها هالمره .